Skaftfellskur einhljóðaframburður

Í skaftfellskum einhljóðaframburði er sama stofnsérhljóð í orðmyndunum dagur og daginn, lögur og lögin, flog og flogið, hugur og hugi, sigum og sigið.

Andstæða þessa framburðar er kölluð tvíhljóðaframburður því í þeim framburði verða stofnsérhljóðin í orðum af þessu tagi eins og í-tvíhljóð (tvíhljóð sem enda á í-hljóði eins og æ, au o.s.frv.) þegar beygingarending eða greinir sem hefst á -i fer á eftir stofninum. Þeir sem hafa tvíhljóðaframburð greina þá ekki á milli orðmynda eins og baginn og bæinn, lögin og laugin til dæmis og ekki heldur á milli orðanna svigi og Svíi en það gera þeir sem hafa skaftfellskan einhljóðaframburð.

Eins og nafnið bendir til hefur skaftfellskur einhljóðaframburður einkum tíðkast í Skaftafellssýslum, en hann hefur þó verið talsvert áberandi líka í Vestmannaeyjum. Hann virðist halda sér nokkuð vel.

 

Útbreiðsla og horfur

Framburðardæmi

Málhafi: austur-skaftfellsk kona.

Málhafi: austur-skaftfellskur karl.

Málhafi: vestur-skaftfellsk kona.